Овој свет е материјалистички. Основа или мајка (матер) на се во комуникацијата е наречено матер-ија. Луѓето се убедуваат себе и другите дека веруваат во некоја сила која е над сета оваа материја но тоа го прават создавајќи уште една претстава или уште една илузија на веќе постојните.

Ако разложуваме или ако зголемуваме доволно пати една материјална честичка она до што ќе дојдеме е празнина плус вибрација.

Сите нешта се вибрантни празнини или поточно сите нешта се вибрации. Вибрација е звукот, вибрација е светлината, но исто така вибрација е секоја таканаречена материјална честичка.

Во денешна секојдневна употреба како основа на секој елемент се користи терминот атом. Тоа како поим или како збор потекнува од Демокрит од Абдера, најситните делови на секој елемент ги нарекува атома, па погрешно преведуваат дека атом значи не делив. Велам погрешно затоа што зборот тома означува близнак, па оттука атом означува дека нема близнак или оригинал.

Во поново време науката потврдува дека најситен оригинален елемент на материјата е атомот, но истовремено откриваат најпрво неколку, а во поново време илјадници елементи од кои е составен атомот. Значи, атомот иако е оригинал, нема двојник, не е неделив. Како се повеќе го делат атомот се повеќе доаѓаат до дека основа на овој свет не е материјата, туку едни не материјални „честички“ (тоа не се материјални и затоа ги ставам во наводници) кои ги нарекуваат супер стрингс. Супер стригс е всушност вибрација и таа е извор на се, а истовремено во се.

Хајзенберг, Бом и другите научници кажуваат и докажуваат дека ништо во универзумот не е издвоено преку принципот на не локалност, а она што го поврзува универзумот се супер стрингс или вибрацијата.

Во мојата книга Модул и Слово како дефиниција на Словото кажувам дека: „Словото е специфично завибриран сегмент од Апсолутот“. Ако е така, тогаш разликата меѓу елементите е во честотата со која тие вибрираат. Книгата „Сефер Јецирах“ или „Книга за постанокот“ или поточно „Слово за Постанокот“ почнува:

1, Преку триесет и два патишта, чудесни, мудри, создал Ја Е ВЕ, Богот на Израил, Бог жив и Цар вечен, Ел Шадаи, милосрден и простувачки, возвишен, тој што престојува во вечноста, возвишено и свето е неговото Име, тој го создаде овој Свет со помош на трите сефарими (*овие три зборови се пишуваат на еврејски на ист начин со СФР и означуваат симбол, звук и број, поточно СФР е Слово или симбол, вибрација и честота).